Менаџерот на Манчестер јунајтед, Рубен Аморим, беше запрашан за објавувањето на заминувањето на Кевин Де Бројне од Манчестер сити и даде провокативен одговор со кој ја вжешти атмосферата пред утрешното градско дерби кога неговиот тим ќе се сретне против Де Бројне и другарите.
„Де Бројне е еден од најдобрите фудбалери за врска во Премиер лигата. Тој ја подобри лигата. Но времето поминува за сите, тоа е природна работа. Беше на погрешната страна од Манчестер. Му посакувам среќа. Ми беше задоволство што го гледав“, изјави Аморим.
