Менаџерот на Манчестер јунајтед, Рубен Аморим, изјави дека имал многу повисоки очекувања за тимот, особено за настапите на „Олд Трафорд“. Јунајтед утревечер го пречекува Ипсвич, но резултатите на домашен терен оваа сезона се разочарувачки. Тимот загуби седум натпревари, а победи само петпати.
Во саботата, Црвените ѓаволи беа во негатива од 2-0 на полувремето против Евертон, но успеаја да извлечат бод со головите на Бруно Фернандеш и Мануел Угарте.
„Кога ја прифатив оваа работа, очекував да победиме во сите домашни натпревари. Не чувствувам притисок бидејќи навивачите се неверојатни секојпат кога играме овде. Сега имаме нов меч и мора да продолжиме напред, да создадеме нова приказна. Знам дека беше тешко за сите да го гледаат нашиот последен натпревар. Играчите исто така знаат дека немавме доволно интензитет, а тоа не се подобри значително и во второто полувреме. Сепак, сменивме неколку мали работи, не губевме толку многу втори топки, бевме поагресивни во дуелите и имавме повеќе енергија. За жал, нема промени кај повредените играчи, така што ќе располагаме со истата екипа“, изјави Аморим.
