Во првото интервју како менаџер на Манчестер јунајтед, Рубен Аморим се обрати преку клупската телевизија, и порача дека бидејќи ова е најголемиот клуб во Англија, целта му е да го однесе таму каде што припаѓа, на прво место.
„Ќе се обидам да направам сè за да го одведам овој клуб на местото кое му припаѓа, и многу верувам дека ќе успееме. Ние сме Манчестер јунајтед, најголемиот клуб во Англија и движечки мотор на Премиер лигата. Ги гледате трофеите, ја гледате трагедијата што ја имал клуб. Ја гледате историјата, по падот на авионот бевме европски шампиони. Кога играчи доаѓаат овде, треба да ја направат турнејата низ клупските простории и салите со трофеи. Мора да почувствуваат што е Манчестер Јунајтед“, рече Аморим.
