Тренерот на Манчестер јунајтед, Рубен Аморим, верува дека неговиот клуб во блиска иднина може да игра во Лигата на шампионите. Португалскиот стратег верува дека Црвените ѓаволи би можеле да играат во елитната лига на УЕФА, а има уште многу да се игра сезонава.
„Ако ја погледнете табелата, многу екипи се позиционирани само во неколку бодови. Сè може да се промени за една недела. Да се фокусираме. Мислам дека најдобриот начин да се дејствува, особено со нашиот тим, е да се размислува само за следниот натпревар. Ако го добиеме, барем ќе ја задржиме нашата позиција. Тоа е главната цел. Влегување во зоната на Лигата на шампионите во следните неколку недели – да, тоа е реално. Што се однесува до иднината – не знам. Сакам да останам блиску до оваа позиција следната недела. А, потоа ќе видиме“, изјави португалскиот менаџер на Манчестер јунајтед.
Дваесеткратниот првак на Англија е на десеттото место на табелата во Премиер лигата со 21 бод по 13 натпревари. Тие се три бода зад четвртопласираниот Челзи, што значи дека со евентуална победа вечерва над Вест хем ќе се израмни со Челзи.
