Менаџерот на Манчестер jунајтед, Рубен Аморим, донел одлука кои фудбалери немаат место во составот на Црвените ѓаволи. Според англиските медиуми, Маркус Рашфорд, Џејдон Санчо, Алехандро Гарначо и Ентони нема да бидат дел од тимот за претсезонската турнеја во САД.
Рашфорд беше испратен на позајмица во Астон Вила во јануари, а моментално бара трансфер во клуб што настапува во Лигата на шампионите, при што неговата желба е Барселона.
Санчо ја мина сезоната во Челзи, но неговиот постојан трансфер на „Стемфорд Бриџ“ пропадна.
Ентони беше дел од Бетис и прикажа одлични партии, па тимот од Севиља сака да го задржи, додека Јунајтед е подготвен да претрпи значителен финансиски губиток, откако го плати 100 милиони евра, за да го олесни неговото заминување. Гарначо, пак, не се вклопува во плановите на Рубен Аморим.
