Екипата на Анадолу Ефес е новиот европски кошаркарски првак откако во финалетона Евролигата со 86:81 ја победи Барселона. За турскиот тим ова е историска прва титула во елитното натпреварување на Стариот Континент.
Drink it in @AnadoluEfesSK fans!#F4GLORY pic.twitter.com/Arpulc9DvI
— Turkish Airlines EuroLeague (@EuroLeague) May 30, 2021
Проектот на Ефес за европскиот трон трае три сезони. Пред две години беше поразен во финалето, лани сезоната беше прекината поради корона-вирусот, а Ефес беше најдобар тим до тој момент, а сега дојде часот да се искачи на тронот.
Ефес лошо го започна финалето и на почетокот на втортата четвртина губеше со 10 разлика (25:15). Од тој момент, турскиот тим заигра многу подобро и со неверојатна серија од 21:4 стигна до водство од 36:29. Од тој момент, па до крајот на мечот Ефес во ниту еден момент не му дозволи на противникот да го преземе водството.
На неколку минути пред крајот, резултатот беше 72:72, но Ефес предводен од Василије Мициќ стигна до 83:76, предност која ја задржа до крајот и стигна до европскиот трон.
Мициќ даде вкупно 25 поени, од кои дури 21 ги постигна во второто полувреме. И Ларкин беше одличен кај Ефес и заврши со 21 поен, додека кај Барселона прв стрелец беше Хигинс со 23 поени, но тоа не беше доволно каталонскиот гигант да стигне до трофејот.