Вечерашниот меч против Арсенал може да му ја запечати судбината на Карло Анчелоти како тренер на Реал Мадрид, па италијанскиот стратег е спремен на секакви опции за да успее во намерата да го елиминира англискиот тим кој на првата средба во Лондон победи убедливо со 3-0.
Јасно е дека вечерва Арсенал го чека пекол во Мадрид, но Анчелоти има проблеми околу составот, повреден е Менди, суспендиран Камавинга, двајца играчи во кои тој има доверба, а нема доверба во Фран Гарсија и Лукас Васкес, кои се офанзивни бекови и „тенки“ во одбрана, и размислува да прави рокади.
Шпанските медиуми објавуваат дека Анчелоти на тренинг во одбраната испробувал варијанта каква што досега не е видена во Реал, а тоа е со Асенсио и Алаба како бекови, а Ридигер и Чуамени како централни дефанзивци.
Ова е предизвикано од враќањето на Дани Себаљос, за кого веројатно ќе има место во почетните 11, заедно со Валверде и Белингам во средниот ред.
