Селекторот на бразилската фудбалска репрезентација, Карло Анчелоти, му советуваше на Нејмар да ја смени позицијата.
Формата и физичката подготвеност на Нејмар се под сериозен прашалник во Сантос, па 34-годишникот е во опасност да го пропушти Мундијалот следната година.
Нејмар беше изоставен од составот на Бразил за претстојните пријателски натпревари, што е четврти пат Анчелоти да не го повика откако дојде како селектор. Нејмар последен пат играше за Селесао во октомври 2023 година, кога претрпе кинење на лигаментите на коленото во натпревар против Уругвај.
„Сите сакаме Нејмар да се врати во најдобра физичка форма. Денешниот фудбал бара многу. Не само талент, туку и физичка подготвеност, интензитет… се надеваме дека Нејмар ќе биде на своето најдобро ниво. Мислам дека тој треба да игра поцентрално, а не како крилен играч, бидејќи во денешниот фудбал крилните играчи мора да помагаат и во одбраната. Кога играте малку поцентрално, одбранбената работа е многу помала. Ако е поблиску до голот, има повеќе шанси да постигнува голови. Лажната деветка би можела да биде неговата идеална позиција“, рече Анчелоти.
