Анчелоти: Мбапе во Реал во јануари? Не ме прашувајте, нема да ви одговорам (Видео)

Тренерот на Реал Мадрид, Карло Анчелоти, го доби очекуваното прашање веднаш по мечот со Шахтар во Лигата на шампионите и иако не беше поврзано со тој дуел, со нетрпение го очекуваа, особено навивачите на Кралскиот клуб.

Дали Килијан Мбапе ќе биде јануарското засилување за Реал Мадрид беше прашањето за Дон Карло, а тој одговори загонетно.

„Дали Мбапе ќе дојде во Реал во јануари? Не ме прашувајте, нема да ви одговорам и имам право на тоа“, рече Анчелоти.

https://twitter.com/CanalplusFoot/status/1579955045625663488?s=20&t=OTmD56RsKkbrWia13xtSLA

Вчера една од главните фудбалски вести беше таа дека Килијан Мбапе побарал од раководството на ПСЖ да си замине уште во следниот преоден рок, во јануари.

Тоа е шокантен развој на настаните ако се знае дека Мбапе ова лето го продолжи договорот со Пари Сен Жермен до 2025 година.

Шпанска „Марка“ објави дека и рокот на новиот договор не е точен и дека Килијан потпишал до 2024 година, но на инсистирање на клубот се фотографирал со дрес на кој стои бројката 2025, што е исто така сензационално.

ПСЖ прифатил варијанта 2+1, односно продолжување на договорот до 2024 година со Мбапе, со можност за продолжување на уште една година, а тоа го чини околу 400 милиони евра.

Рел Мадрид имаше вербален договор со Мбапе, францускиот ас ова лето да се пресели на „Сантијаго Бернабеу“, но астрономската понуда на ПСЖ со многу повластици за Килијан беше клучна за останување на напаѓачот во Париз.

Сега е објавено дека обврските што ги презеде ПСЖ не се исполнуваат, а Мбапе не може да се справи и да се снајде против јужноамериканскиот клан и бара веднаш во следниот преоден рок да си замине.

Реал повторно е во игра за негов ангажман, а Мбапе не крие дека сака да игра за шпанскиот гигант, па ќе биде интересно во следните неколку месеци до стартот на зимскиот преоден рок.