Реал Мадрид влезе во одлична форма и на последните три натпревари постигна дури 14 гола. Карло Анчелоти е задоволен од играта и од резултатите, но вели дека клучот е во одбраната, а кога тоа е на ниво, тогаш му е лесно на нападот да дава голови.
„Нашата цел беше да победиме. Почнавме малку бавно, но набрзо ги поправивме работите. Овој резултат е благодарение на класата што ја имаме во нападот. Никогаш не се сомневав во тимот. Мислам дека сме во добра серија, покажуваме одлична динамика. Не сум лут ни поради голот што го примивме. Важно беше да се концентрираме на нашата дефанзива и работите почнаа да се подобруваат. Има многу работи во нашата игра во кои човек може само да застане и да ужива. Посебно петтиот гол, какво одлично додавање на Валверде. Но, имаше и многу други индивидуални моменти кои беа убави за гледање“, рече Анчелоти по победата од 5-1 над Салцбург во Лигата на шампионите.
