Веќе подолг период се зборува за понудата од Саудиска Арабија за Винисус, за која се вели дека е најголемата во историјата на фудбалот и во вредност од една милијарда евра. Сепак, Карло Анчелоти за шпанските новинари вели дека никогаш не слушнал за такво нешто и дека тоа нема да се случи, иако последните изјави од Блискиот Исток се прилично оптимистички.
„Понуда од Саудиска Арабија за Винисиус? Не знам за такво нешто. Имам директна информација од играчот дека е многу среќен овде и сака да испише историја во Мадрид. Среќни сме овде и сакаме да испишеме историја со овој клуб. За него е добро што има денови за опоравување за да може да пристигне посвеж во најважниот момент од сезоната. Мислам дека луѓето забораваат дека со Винисиус ја освоивме Лигата на шампионите во Париз и Лондон. Тој е неприкосновен фудбалер.“ – вели Анчелоти.
