Селекторот на бразилската репрезентација, Карло Анчелоти, смета дека лигите треба да го намалат бројот на учесници на 18 екипи.
Во моментов трите најсилни лиги во Европа, англиската, шпанската и италијанската имаат по 20 тима.
„Фудбалот стана поинтензивен и подинамичен, се користи многу аналитика, но ФИФА и УЕФА треба да го разгледаат распоредот. Има премногу натпревари, не сите со добар квалитет, а има и премногу повреди. Лигите треба да го намалат бројот на екипи учеснички од 20 на 18“, рече италијанскиот стручњак, кој е единствен со титули во сите топ 5 лиги.
Анчелоти верува дека намалување на бројот на тимови ќе помогне да се избегнат натпревари со слаб квалитет и ќе ги направи трошоците поразумни. Тој исто така верува дека тренерите и играчите треба да имаат повеќе можности да учествуваат во ваквите одлуки.
