Тренерот на Реал Мадрид, Карло Анчелоти, смета дека судијата имал право при носењето на сите спорни одлуки во кои гледаше снимка и го спасуваше Реал од уште поголеми маки на дуелот со Алмерија попладнево.
Благодарение на ВАР, Реал доби пенал, му беше признат поништен гол, а на Алмерија ѝ беше поништен погодок.
„Ги видов сите три ситуации и мислам дека кај сите три судијата имаше чиста ситуација и донесе правилни одлуки. Нека зборуваат дека судиите му донеле победа на Реал, не ми е гајле“, рече Анчелоти.
Инаку, Реал одигра катастрофално во прво полувреме, немаше ниеден шут кон голот, прими два гола од тим кој нема ниедна победа, и Анчелоти призна дека грешката била негова.
„Лошо ја проценив состојбата кај некои играчи, лут сум на себеси. Згрешив што во почетниот тим ставив заморени играчи кои немаа енергија“, додаде Анчелоти.
