Бразил ќе игра пријателски натпревари против Сенегал во Лондон и против Тунис во Лил, а селекторот на Кариоките, Карло Анчелоти, го објави списокот со повикани фудбалери. Неизбежно прашање на прес-конференцијата беше за Винисиус и за неговото однесување, односно скандалот што го направи кога беше заменет на мечот против Барселона.
„Имаме многу добар однос со Винисиус. Кога и да се случи нешто, секогаш сме во контакт. Разговарав со Винисиус за проблемот, за неговата реакција. Му кажав директно дека направи грешка. Тој тоа го сфаќа, а неговото извинување го докажува тоа. Мислам дека прашањето е затворено. Тој е многу важен играч за Бразил и за Реал Мадрид. Неговиот личен живот? Јас не сум ниту негов татко, ниту негов брат. Сакам само да бидам негов тренер. Неговиот личен живот е само негов“, рече Анчелоти.
