Најголемото засилување за Реал Мадрид минатото лето беше Килијан Мбапе и од него се очекуваше многу. Сепак, она што го покажа на теренот беше далеку од очекуваното, но на последните натпревари веќе квалитетот излегува на површина.
Анчелоти долго велеше дека му е потребен период за адаптација, а според италијанскиот тренер, тој период веќе е завршен.
„Мислам дека неговиот период на прилагодување заврши и тој покажува многу подобра верзија од себе во моментов. Сè уште може да се подобри, но во последниот натпревар беше добар по лесната повреда што ја имаше. Мбапе е помотивиран, возбуден што е тука. Периодот на адаптација што му беше потребен, како и сите други, заврши.“ – рече Анчелоти.
