Селекторот на македонската фудбалска репрезентација, Игор Ангеловски, изјави дека се радува што конечно Македонија утре ќе биде во позиција на учесник на големо натпреварување на тест-дуелот со Словенија од 18 часот во Скопје.
„Конечно, по 30 години Македонија не е спаринг-партнер на некоја репрезентација за големо натпреварување, туку сме учесници на Европско првенство. Секако дека се радувам, но нема да се опуштиме и очекувам добар настап на континенталниот шампионат. Го очекуваме и Енис Барди конечно да ни се приклучи. Се чувствува добро и наскоро се надеваме и на негативен тест на ковид-19“, изјави Ангеловски.
Утре од 18 часот македонската фудбалска репрезентација ќе го игра првиот тест-меч со Словенија пред настапот на ЕП. Втората контрола ќе биде на 4 јуни против Казахстан, исто така во Скопје.