Англија има многу проблеми во последно време со инвазии на навивачите на терен, за да се прославуваат победите, титулите, опстанок… во финишот на сезоната, а имаше и и инциденти.
Били Шарп од Шефилд јунајтед и буквално беше нокаутиран од навивач на Нотингем форест, иако не провоцираше, а инцидент имаше и со тренерот на Кристал палас, Патрик Вјеира, кој шутна симпатизер на Евертон, при инвазијата на терен на навивачите на Карамелите, кои го славеа опстанокот во Премиерлигата.
Ситуацијата во англискиот фудбал на ова поле е оценета како алармантна, па на Островот смислија план како да ги спречат навивачите да влетуваат на терен.
Ќе има проект што треба да го прифатат за почеток сите клубови од Премиерлигата и да обучуваат специјални спринтери од обезбедувањето, кои ќе имаат и копачки како дел од опремата за да ги фаќаат навреме навивачите што ќе сакаат да се симнат од трибини на терен.
