Еди Хау од Њукасл и Шон Дајч од Евертон се единствените двајца англиски менаџери во англиските премиерлигашки клубови, што предизвика аларм на Островот и потврдува дека клубовите таму имаат поголема доверба во странски отколку во домашни тренери.
Досега не се случило да има само двајца, а на Дајч работата во Евертон не му е сигурна, и Хау може да остане единствен.
Ако се бројат и останатите Британци, тогаш на Дајч и Хау им се приклучува само уште Киран Мекена од Ипсвич кој е роден во Англија, но израснат е во Северна Ирска и играше за младата селекција на траа земја. Сите други менаџери во Премиер лигата се од земји кои не се на Островот.
Во првата сезона од Премиер лигата, 1992-1993, имаше само еден небританец менаџер и тоа Ирец.
Во моментов во Премиер лигата има пет шпански и четворица португалски менаџери.
Англиски тренери нема многу ни во останатите силни лиги низ Европа. Исклучоци се Лиам Росениор во Стразбур и Вил Стил кој е роден и израснат во Белгија и е на чело на Ленс.
Од формирањето на Премиер лигата во 1992-93 ниту еден англиски менаџер не ја освоил титулата. Хари Реднап со Портсмут во 2008 година беше последниот англиски менаџер кој освоил голем трофеј со тим од Премиер лигата – ФА Купот.
Од 1992 година, Жозе Мурињо Свен-Горан Ериксон со Лацио се единствените неиталијанци кои ја освоиле Серија А.
Домашната сопственост е уште една област каде што Премиер лигата се разликува од нејзините ривали. Само пет од 20-те тимови од Премиер лигата се во сопственост на Англичани или англиски компании, газди на другите клубови се странци, претежно Американци и Арапи.
