Напаѓачот на Баерн Минхен, Хари Кејн, нема да го напушти тимот ова лето, тврди спортскиот директор Кристоф Фројнд, кој ги коментираше информациите за евентуалното заминување.
„Ова дури и не е тема за дискусија“, изјави Фројнд.
Договорот на Кејн со Баерн е со важност до летото 2027 година. Хари Кејн одигра 44 натпревари оваа сезона, постигна 36 гола и имаше 12 асистенции.
Претходно беше објавено дека 31-годишниот напаѓач би можело да се врати во Тотенхем. Поранешниот капитен на Манчестер јунајтед, Гери Невил, е еден од тие што се уверени дека Кејн ќе се врати во Премиер лигата откако го свои својот прв трофеј со Баерн Минхен.
„Хари Кејн е еден од најголемите напаѓачи што ги има произведено Англија. Исклучителен професионалец. Ни недостига во Премиер лигата – ни недостига неговиот квалитет и класа. Само замислете ги Челзи и Ливерпул колку би го сакале Кејн на врвот на нивниот напад. Манчестер сити го има Халанд, но останатите? Ливерпул, Манчестер јунајтед, Челзи – сите ќе бараат напаѓачи. Арсенал? Очајно бараат централен напаѓач, иако не сум сигурен дали Кејн би одел таму… Но, знаеме дека ќе се врати во одреден момент“, рече Невил.
