На Европското првенство за играчи до 19 години беше одигран меч кој уште долго време ќе се памти. Играа европските гиганти Германија и Англија, а на крајот немаше победник. Резултатот беше неверојатен, 5:5.
Тоа што е уште поневеројатно е како се движеше резултатот. Германија на полувреме водеше со 4:1, а во 48 минута веќе беше и 5:1. Сепак, Англија не само што не се предаде, туку следуваше фуриозна игра на Гордиот албион. Во период од 52 до 63 минута Англичаните постигнаа четири погодоци и израмнија на 5:5.
Од 63 минута до крајот на средбата, мрежите мируваа и на крајот двата тима кои постигнаа по пет погодоци мораа да се задоволат со по еден освоен бод.
