Фудбалските репрезентации на Англија и Велс утре ќе одиграат пријателски натпревар за да ја подигнат свеста за Алцхајмеровата болест. Во второто полувреме од натпреварот, играчите од двата тима ќе истрчаат на теренот со дресови на кои ќе ги нема напишано нивните презимиња на задната страна и тоа симболично ќе биде истакнувајќи го губењето на меморијата, еден од најчестите симптоми на сериозната болест.
Иницијативата е дел од партнерството помеѓу Англиската фудбалска асоцијација (ФА) и Здружението за Алцхајмерова болест кое се спроведува од 2021 година. Англиската репрезентација веќе имаше слична акција минатата година на натпревар против Белгија.
Пред самиот натпревар, на тимовите ќе им се придружат на теренот 22 навивачи кои живеат со деменција, испраќајќи моќна порака до јавноста.
„Фудбалските навивачи се номинирани низ Англија и Велс да ги претставуваат многуте различни лица на деменцијата во Велика Британија и ќе излезат на теренот заедно со тимовите за да пренесат моќна порака дека ќе биде потребен обединет тим за да се победи најголемиот убиец во Велика Британија“, се вели во соопштението на ФА.
