Со гол на капитенот Хари Кејн по убава асистенција на Рахим Стерлинг, Англија води со 1-0 по првото полувреме на последното четвртфинале на Европското првенство во фудбал. На мечот во Рим, голот падна после 213 секунди игра, а според традицијата, тоа што Гордиот Албион даде гол толку рано, не е баш добро за нив.
Англија на европските првенства пет пати давала гол во првите пет минути од мечевите, и никогаш не победила. Имале три порази и две ремија, а кога дале гол толку рано и играле нерешено (со Португалија во 2004 и со Германија во 1996 година), испаѓале на пенали.
Сепак, пред Украинците кои се некомплетни (Малиновски поради повреда не е ни на клупа, а направија принудна измена во првото полувреме), е многу тешка задача. Англија над 600 минути нема примено гол.
