Женската фудбалска репрезентација на Англија ја одбрани европската титула, откако вечерва во финалето против Шпанија, на пенали ја совлада Црвената фурија со 3-1, а по 120 минути игра беше 1-1.
Финалето играно во Базел потврди дека ова се двете најдобри европски селекции во моментов, а на крај пресудија искуството и нервите на Англичанките кои го утнаа пеналот во првата серија и тоа повторен, но Шпанија врза три утки од втората до четвртата серија што беше кобно за нив.
Клои Кели го погоди решавачкиот пенал, а таа беше јунак и пред три години кога Англичанките за првпат се искачија на европскиот трон.
После мечот се разбира имаше солзи на двете страни, едните од радост, другите плачеа од тага.
