Пред почетокот на годинашното Европско првенство кое се игра во Германија, Англичаните беа еден од главните, ако не и главниот фаворит за освојување на титулата.
Ја завршија групната фаза како првопласирани, но далеку од тоа дека Англичаните се доминантни.
Во првиот натпревар успеаја да ја победат Србија со 1-0 со голот на Белингам, а потоа ремизираа и против Данска и против Словенија.
Своето незадоволство англиските фанови не го криеја по вечерашниот дуел со Словенија (0-0) и одлучија да го покажат кога судијата отсвири крај.
Репрезентативците на Англија и селекторот Саутгејт отидоа да ги поздрават навивачите, а тогаш се случи нешто на што не сме навикнати. Англиските навивачи го гаѓаа својот селектор Герет Саутгејт со празни чаши.
Empty cups thrown at Gareth Southgate as he applauds the England supporters. @TheAthleticFC #ThreeLions pic.twitter.com/rvJhL6t5OL
— Dan Sheldon (@Dan_Sheldon_) June 25, 2024
