Англиските клубови имаа перфектен учинок во второто коло од Лигата на шампионите. Ливерпул победи со 2-0, Манчестер сити со 3-0, Челзи со 4-0, а Манчестер јунајтед триумфираше со 5-0. Со четири победи на четири меча и гол-разлика 14-0, премиерлигашите беа доминантни во ЛШ, а тој успешен тренд вечерва ќе се обидат да го продолжат англиските претставници во Лигата на Европа.
Лестер гостува кај АЕК, Тотенхем кај Антверпен, додека Арсенал го пречекува Дандалк. Доколку и овие три тима победат без да примат гол, тоа би било веројатно единствен таков случај во историјата на еврокуповите.
