Славниот француски напаѓач, Тиери Анри, има три фаворити за освојување на Лигата на шампионите оваа сезона, а тоа го темели на нивните игри во досегашниот тек од сезоната.
Тоа се Арсенал, Баерн Минхен и ПСЖ, а она што е интересно „топчиите“ немаат трофеј од елитното натпреварување, а Французинот токму во оваа екипа стекна светска слава.
ПСЖ веќе има три од три на стартот од Лигата на шампионите и тоа со импресивна гол-разлика од 13 дадени и само три примени голови, но и гостинска победа над Барселона.
Ист ефект има и Арсенал, три победи, со осум дадени и без ниту еден примен гол.
Баерн Минхен има одиграно два натпревари и на двата победи со гол-разлика од осум дадени и два примени, а „баварците“ вечерва на домашен терен го пречекуваат Бриж, па може дополнително да ја подобрат гол-разликата.
