Црвена ѕвезда победи со 2-0 на реваншот во Ереван, па со вкупни 7-0 го елиминира ерманскиот Пјуник од квалификациите за Лигата на шампионите. Српскиот шампион е на еден чекор од пласман во групната фаза на елитното натпреварување, а за остварување на целта, ќе треба да го елиминира Макаби Хаифа.
Макаби го прегази кипарскиот Аполон со 4-0 на првата средба, а денеска Аполон победи со 2-0, и тоа со голови постигнати уште во првите 27 минути од дуелот, што им даде надеж дека може да приредат чудо и да анулираат пораз од 0-4. Сепак, Макаби ја зачува својата мрежа и се избори за бараж против Ѕвезда за влез во ЛШ.
Молдавскиот Шериф, кој лани беше сензација во групите од ЛШ, годинава нема да игра таму бидејќи беше елиминиран од Викторија П’лзењ. Последна пречка на Чесите на патот до ЛШ ќе им бидат Ференцварош или Карабах.
