Поранешниот аргентински репрезентативец Клаудио Каниџа кој го сочинуваше фантастичното дуо со Диего Армандо Марадона може да заврши во затвор и тоа на долги 15 години, доколку се прогласи за виновен за сексуален напад на неговата поранешна сопруга Маријано Нанис.
Каниџа кој има 56 години е обвинет дека во 2018 година ја силувал својата поранешна сопруга во еден хотел во Буенос Аирес, каде тие двајца живееле заедно во тоа време.
Нанис и Каниџа имаат три деца, а официјално се разведоа во 2019 година и тоа една и пол година подоцна, откако започнаа да живеат одвоено. Жената тврди дека нејзиниот тогашен маж ја силувал откако одбила да имаат сексуални односи. Каниџа ја удрил и се заканил дека ќе ја убие ако пријави во полиција.
Фудбалската кариера на Каниџа траеше од 1985 до 2004 година. Започна во Ривер плејт, а потоа играше и за Верона, Аталанта, Рома, Бенфика, Бока јуниорс, Данди, Ренџерс и Катар СЦ. За репрезентацијата на Аргентина одигра вкупно 50 меча во кои постигна 16 голови.
Надвор од теренот, тој беше познат по скандалозните однесувања, а негова најпозната изјава која не е поврзана со фудбалот е „Ако кокаинот е дрога, тогаш јас сум зависник“.
