Неверојатни сцени се случуваа на фудбалскиот натпревар од федерацискиот куп на интерпровинциската лига во Аргентина. Мартин Коста, одбранбениот играч на клубот 9 Јули Берабеву, сосема ги загуби нервите и почна со боксови да ги удира противничките играчи од екипата Атлетико Сан Хорхе.
Коста нокаутираше еден играч и беше исклучен, но тој момент не беше снимен, а по црвениот картон, продолжи да дивее и со тупаници удри уште двајца противници. Корпулентниот Коста покажа завидна боксерска техника, маваше и со лева и со десна рака, па ако добие голема суспензија и забрана за играње фудбал, може да продолжи со боксерска кариера.
Инаку, мечот заврши со резултат 0-5, откако Сан Хорхе ја искористи бројчаната предност од двајца играчи повеќе.
