Изјавата на Килијан Мбапе дека Аргентина и Бразил не ги гледа како фаворити на претстојниот Мундијал во Катар налути многу Јужноамериканци.
„Аргентина и Бразил не играат тешки мечеви за да стигнат на Светско првенство. Фудбалот во Јужна Америка не е развиен како во Европа, тоа се гледа на последните Мундијали“, неодамна кажа Мбапе во едно интервју за бразилски медиум.
Затоа по победата на Аргентина над Италија во Финалисима, аргентинските медиуми го потсетија Французинот на таа изјава.
Неколку фудбалери од Аргентина кажаа дека не се согласуваат со Мбапе. Лаутаро смета дека Бразил и Аргентина секогаш се при врвот, а голманот Мартинес го потсети Мбапе дека не е лесно да се гостува на огромна надморска височина во Боливија, на пекол во Еквадор и Колумбија, наместо на убави наводнети рамни терени како во Европа.
