Арсенал ова лето не штедеше пари и потроши над 200 милиони евра за нови засилувања. Секако дека главна ѕвезда во преодниот рок е Виктор Ѓокореш, за кого беа потрошени 70 милиони евра за предвремен раскин на договорот со Спортинг Лисабон.
Топчиите го доведоа и Мартин Зубименди, кој дојде од Реал Сосиедад и за него беа потрошени 70 милиони евра. На „Емирати“ пристигна и Нони Мадуеке од градскиот ривал Челзи, и тоа за 60 милиони евра.
Сега најавите се дека дресот на Арсенал ќе го облече и Еберечи Езе, кој имаше блескава сезона во Кристал палас. За Езе се интересираше Тотенхем, но, сепак, сега Арсенал изби во прв план.
🚨🔴⚪️ Following talks tonight, Arsenal are convinced that Eberechi Eze prefers to join them over Tottenham.
£60m package offered to Palace with easier add-ons and faster payment terms to try beat Spurs.
Negotiations underway. pic.twitter.com/vhaplr849j
— Fabrizio Romano (@FabrizioRomano) August 20, 2025
Најавите се дека фудбалерот веќе ги договорил личните услови со Арсенал, а Топчиите ќе се согласат да платат околу 65 милиони евра (60 милиони фунти) за реализација на овој трансфер.
