Арсенал со фантастична игра буквално го прегази градскиот ривал Вест хем и го победи со 2-5 на негов терен. Победникот на мечот беше решен уште многу рано, бидејќи „топчиите“ после само 36 минути играа имаа убедливи 0-4. Габриел, Тросар, Одегард и Хаверц ја тресеа мрежата на Вест хем, а домашните со два брзи гола преку Ван-Бисака и Емерсон во 38-мата и 40-тата минута намалија на 2-4.
Конечните 2-5 беа поставени пред самиот крај на првото полувреме, кога Сака реализираше пенал. Арсенал со оваа победа се искачи на втората позиција со 25 бода, два повеќе од Брајтон и Манчестер сити, но и шест помалку од лидерот Ливерпул.
