Арсенал со 3-0 го порази Оксфорд јунајтед, и без поголеми проблеми се пласираше во четвртото коло на ФА купот. А, таму, како противник во битка за влез во осминафиналето, Топчиите ги чека Манчестер сити и тоа во Манчестер на 28-ми јануари.
Вечерва Арсенал играше во необични дресови, без препознатливата за нив црвена боја. Причината е кампањата „Не повеќе црвено“, а се однесува на борбата против крвавото насилство и користењето ножеви кај младите во Лондон.
