Арсенал минимално со 1:0 славеше над Ипсвич, победа која е очекувана, но сигурно многу фанови на Топчиите веруваа дека триумфот ќе биде изразен со поголема разлика. На крајот и со само еден гол, Арсенал ги освои трите бода доволно да се искачи на второто место на табелата, веднаш зад лидерот Ливерпул.
Фактот дека Арсенал ја има најдобрата одбрана во лигата е доказ дека Топчиите може и да се надеваат на титулата, иако Ливерпул сега е со добра залиха. Освен одбраната, Арсенал има и уникатен начин на изведување на корнер удари.
Сите фудбалери на Арсенал се стационираат на „втора статива“ и противниците едноставно не знаат како да се бранат. Така Арсенал му даде гол на Манчестер јунајтед, а малку фалеше така да биде матирана и одбраната на Ипсвич.
Одбраната на Ипсвич беше збунета, централниот дефанзивец Габриел Магаљаеш се најде сам пред голот, но од само неколку метри успеа да го промаши празниот гол.
