Арсенал со 2:0 го победи Манчестер јунајтед во дербито на 14-тото коло од англиската Премиер лига. По првиот дел немаше голови, а отпорот на гостите беше скршен во 56-тата минута, кога Тимбер погоди по еден одлично изведен корнер.
Овој погодок за водство на Арсенал од 1:0 може да го видите ТУКА.
Топчиите продолжија со офанзивната игра сакајќи да погодат по вторпат и да имаат мирна завршница. Тоа им успеа во 73-тата минута, кога Салиба погоди за 2:0 и тогаш беше јасно дека трите бода ќе останат за тимот од Лондон.
Арсенал со оваа победа стигна до 28 бода и е на третото место на табелата, додека Манчестер јунајтед падна на 11-тата позиција само со 19 бода.
Астон вила на свој терен во Бирмингам со 3:1 победи против Брентфорд. Во денешните дуели, Манчестер сити по пауза од повеќе од еден месец конечно победи, а Ливерпул одигра 3:3 на гости кај Њукасл.
