Англискиот премиерлигаш Арсенал започна потрага по нов напаѓач и ќе се обиде да го доведе до крајот на јануари. На списокот на желби на лондонскиот клуб се наоѓаат неколку имиња, но свесни се и дека ќе биде тешко да се оствари поголем трансфер додека сезоната е во полн ек.
Сепак, Арсенал пронајде напаѓач кој би бил подготвен да дојде на „Емирати“, тоа е 22-годишниот француски напаѓач Елие Ваи од Олимпик Марсеј.
Ваи оваа година пристигна во Марсеј од Ленс за 25 милиони евра, но не играше премногу во првиот дел од сезоната.
🚨 Arsenal are considering making a move to sign Elye Wahi from Marseille after losing Gabriel Jesus for the rest of the season.
— Transfer News Live (@DeadlineDayLive) January 16, 2025
(Source: @CaughtOffside) pic.twitter.com/pH8Rx4HFNp
Сепак, јасно е дека Арсенал веќе некое време го следи неговиот потенцијал и верува дека нема да има проблеми да се договори со Олимпик Марсеј за трансферот. Иако Марсеј го доеде неодамна, клубот наводно е подготвен да го пушти на позајмица до крајот на сезоната, со опција за откуп на договорот.
Ваи има договор со Олимпик Марсеј до летото 2029 година, а францускиот клуб може да побара 25 милиони евра, колку што плати за него пред неколку месеци.
Во оваа сезона Елие Ваи одигра 14 натпревари за Олимпик Марсеј во Лига 1, постигна три гола и запиша една асистенција.
