Евертон и Арсенал одиграа 1:1 во меч од 31. коло на англиската Премиер лига. По ова реми, Арсенал веќе може да се откаже од трката за титулата. Топчиите заостануваат 11 бодови зад лидерот Ливерпул кој утре ќе игра на гости кај Фулам.
Леандро Тросар донесе радост за Арсенал и водство на гостите од 1:0 на полувреме.
Само што почна второто полувреме, Евертон израмни. Беше направен фаул во шеснаесетникот на гостите, а Ндијае погоди од белата точка за 1:1.
Во продолжение на дуелот, Арсенал напаѓаше, но Евертон добро се бранеше и на крајот успеа да остане непоразен против фаворитот.
