Брајтон и Арсенал одиграа 1-1, по што Топчиите не успеаја да направат дополнителен притисок над лидерот Ливерпул во пресрет на нивниот утрешен дуел со Манчестер јунајтед. Тимот на Микел Артета имаше предност, но Брајтон успеа да израмни во вториот дел и стигна до десеттото реми на последните 20 меча во Премиер лигата.
Младиот Итан Нуанери донесе водство за Арсенал со голот во 16-та минута, но Брајтон израмни преку Жоао Педро, кој реализираше пенал во 61-та минута од дуелот.
Арсенал сега има 40 бода на втората позиција, пет помалку од лидерот Ливерпул, кој има и два одиграни натпревари помалку.
