Арсенал е нов лидер на Премиер лигата, откако со голема мака го совлада Брентфорд со 2-1, па сега Топчиите ќе навиваат за нерешен резултат на утрешното дерби помеѓу Ливерпул и Манчестер сити, за да останат први по завршувањето на 28-мото коло.
Деклан Рајс и Каи Хаверц беа стрелци за Топчиите. Победничкиот гол на Германецот падна во 86-та минута, сега Хаверц има серија од четири лигашки мечеви по ред со постигнат гол. Со тој гол, покриена беше огромната грешка на голманот Арон Рамсдејл кој им подари гол на гостите. Рамсдејл бранеше за првпат после ноември и имаше кикс над киксевите, главен виновник е за примениот гол, но во второто полувреме се извади со две одлични интервенции.
Арсенал има дадено 33 гола на последните осум меча во Премиер лигата, а за малку скапо ќе ги чинеше грешката на Рамсдејл. Погледнете каков гол прими Арсенал:
We saw Southampton we’ve seen this how could anyone possibly want Ramsdale over Raya?? #ARSBRE pic.twitter.com/MIX5b437zb
— A. (@Ode_Afc) March 9, 2024
