Арсенал планира да му го продолжи договорот на својот менаџер Микел Артета, дури и ако сезоната ја заврши без освоен трофеј.
Топчиите пред околу 20 дена беа во игра за сите четири трофеи, но работите брзо се променија. Најпрвo загубија од Манчестер sити во финалето на Лига купот на Англија, потоа беа елиминирани од второлигашот Саутемптон во четвртфиналето на ФА купот, а вчерашниот пораз на домашен терен од Борнмут (1-2) ја доведе во прашање „веќе видената“ титула во Премиер лигата.
Во моментов Арсенал има предност од девет бодови во однос на Манчестер sити, но со два одиграни натпревари повеќе, а во следното коло гостува токму кај тимот предводен од Пеп Гвардиола. Во првиот меч од четвртфиналето во Лигата на шампионите, лондонскиот клуб славеше со 0-1 на гости кај Спортинг Лисабон и е блиску до пласман во полуфиналето.
И покрај серијата разочарувачки резултати и сѐ погласните критики, во клубот владее силна доверба во долгорочната визија на Артета. Иако се доведува во прашање менталитетот на екипата, раководството смета дека токму шпанскиот стратег е вистинскиот човек за продолжување на проектот.
Според информации од Англија, првите разговори за нов договор веќе се одржани, а целта е истиот да биде финализиран пред стартот на наредната сезона.
