Арсенал без ниту еден освоен трофеј ја заврши сезоната, иако Топчиите беа конкурентни во повеќе натпреварувања. На крајот, лондонскиот тим остана со празни витрини од оваа сезона, а тренерот Микел Артета реши дека е време за промени во играчкиот состав.
Од фудбалерите кои беа во стартниот тим си заминаа петмина, но има уште една голема група на фудбалери на кои им истекуваат договорите и нема да бидат продолжени.
Сега е познат списокот од пет играчи од првиот тим, како и голем број резервисти и играчи од академијата кои нема да бидат дел од тимот на „Емирати“ следната сезона.
Киран Тиерни и Натан Батлер-Оједеџи станаа слободни агенти откако не им беа понудени продолжувања на договорите. Од друга страна, Нето и Рахим Стерлинг ќе се вратат во своите клубови, поточно во Борнмут и Челзи, бидејќи нивните позајмици истекоа. Батлер-Оједеџи одигра два натпревари за првиот тим минатата сезона, но поради повреди немаше многу простор да се покаже.
