Арсенал го победи Њукасл со 2-0 во последниот меч од 32-рото коло во Премиер лигата и успеа по долга битка да го прескокне лутиот ривал од Северен Лондон, Тотенхем на третото место на табелата.
Арон Ремзи во првото полувреме и Александр Лаказет во вториот дел ја запечатија победата на „топчиите“. Немаат пораз на последните шест меча и вечерва потврдија дека се во топ форма во вистинско време.
Арсенал има одиграно 31 натпревар и е во најдобра позиција да остане зад двоецот Манчестер сити и Ливерпул, кои се недостижни во битката за титулата.
Третото и четвртото место во Премие лигата води во Лигата на шампионите, а моментно Арсенал е во најдобра позиција со 63 бодови, пред Тотенхем и Манчестер јунајтед со по 61 и Челзи со 60. Сите овие екипи имаат по 7 натпревари до крајот на шампионатот.
