Бразилецот Габриел Магалјаеш го продолжи договорот со Арсенал на радост на навивачите на Топчиите.
Централниот дефанзивец на лидерот во Премиер лигата дојде во Арсенал во септември 2020 година од Лил и стана незаменлив дел од одбраната на Топчиите, која сезонава е меѓу најдобрите во Англија со 10 примени гола на 10 меча, само зад Њукасл, кој прими 9 погодоци на 11 меча.
„Пресреќен сум што потпишав нов договор со Арсенал. Денеска е најубавиот ден во мојот живот и се радувам што останувам дел од еден од најголемите клубови на светот“, рече 24-годишниот Бразилец.
https://twitter.com/Arsenal/status/1583490150234996736?s=20&t=KJVD_2fw37WablaF2HeIyA
Популарниот Габи игра извонредно и е кандидат за да настапи на Мундијалот во Катар за најтрофејната нација на сите времиња.
