Арсенал води со 2:0 по првото полувреме против Вулверхамптон и се наоѓа пред нов триумф во Премиер лигата.
Топчиите тргнаа фуриозно и головите ги постигнаа во првите 13 минути од првиот дел. Резултатот го отвори Букајо Сака во шестата минута, а само седум минути подоцна Мартин Одегард ја зголеми предноста.
Интересно е што голот на Сака беше 100-ти за Арсенал во 2023 година во сите натпреварувања. Само четири од најсилните пет лиги имаат постигнато повеќе голови од Арсенал годинава, Манчестер сити (137), Реал Мадрид (119), Баерн Минхен (111) и Баер Леверкузен (110).
Идентично водство по првото полувреме има и Барнли во дуелот со Шефилд јунајтед. Џеј Родригез уште во првата минута му донесе водство на Барнли, додека вториот гол го постигна Јакоб Ларсен во 29-та минута.
