Менаџерот на Арсенал, Микел Артета реши да ангажира куче во редовите на Топчиите. Се работи за куче од расата Лабрадор, а името му е Победа. Идејата на шпанскиот стратег е дека со доведувањето на кучето, ќе се намали нивото на стрес кај фудбалерите и ќе се подобри расположението.
Со доведување на кучето треба да се зајаке и заедништвото и сплотеноста меѓу сите во екипата. Кучето е на еден од членовите на клубот, а Победа веќе неколку пати бил во тренинг центарот на Арсенал.
Докажано е дека кучињата може да имаат позитивен ефект на менталното здравје, да го подобрат расположението и да го намалат стресот. Артета и во минатото покажал дека сака да користи неконвенционални методи, а ова сега е неговиот најнов алат за мотивација.
Арсенал моментално се наоѓа на второто место на табелата во Премиер лигата со 81 бодови, четири помалку од лидерот Манчестер сити и само теоретски шанси дека може да стигне до титулата.
