Англискиот премиерлигаш Арсенал започна сериозна операција со цел да го доведе еден од најдобрите европски фудбалери, 22-годишниот шпански репрезентативец Нико Вилијамс. Иако неговиот договор со Атлетик Билбао трае до јуни 2027 година, крилниот напаѓач може веднаш да го напушти баскискиот клуб ако некој ја плати фиксната откупна клаузула од 58 милиони евра.
Менаџерот на Арсенал, Микел Артета, сè уште верува дека е можно да го стигнат водечкиот Ливерпул, зад кого заостануваат шест бода, но имаат и еден натпревар повеќе.
Во март се очекува да се врати повредениот напаѓач Букајо Сака ако закрепнувањето оди според планот, а Артета смета дека Нико Вилијамс би можело да биде клучниот фактор за да го стигнат Ливерпул.
Иако најчесто игра како лево крило, Нико Вилијамс може ефикасно да игра и на десната страна. Минатата година ги воодушеви сите со своите настапи на Европското првенство, а претходно блескаше во дресот на Атлетик со осум гола и 19 асистенции на 37 натпревари. Оваа сезона не му оди толку добро, забележа три гола и пет асистенции во сите натпреварувања.
Долго време се пишуваше за интересот на Барселона за Нико Вилијамс, но трансферот не беше реализиран поради финансиските проблеми на каталонскиот клуб.
