Менаџерот на Арсенал, Микел Артета, одговори на коментарите на Димитар Бербатов, кој шеговито го нарече тимот „новиот Стоук Сити“ по победата на Топчиите над Манчестер Јунајтед, остварена со два гола од корнер.
Артета ја прифати изјавата на Бербатов како комплимент, нагласувајќи дека целта на неговиот тим е да биде најдобар во секој аспект.
„Добро разбиав што рече Димитар и го прифаќам тоа како голем комплимент. Ние сакаме да бидеме најдобри во сè: во статични ситуации, во пресингот, во нападите по слободни простори, да имаме најдобра атмосфера и најдобар стадион. Нашата цел е да бидеме најдобри во сè. Пред некој период не постигнувавме доволно голови од статични ситуации и не победувавме големи натпревари. Сега сакаме да бидеме најдобри во сè, да имаме најдобра академија и да привлекуваме најдобри фудбалери и тренери“, изјави Артета.
Тој исто така потврди дека Габриел Магаллаеш и Рикардо Калафиори сè уште се на лекување од повреди и е многу веројатно дека нема да успеат да се опорават за гостувањето против Фулхам в недела.
„Тешко е да се каже. Имаме уште еден тренинг, но нивната ситуација е компликувана,“ додаде менаџерот на Арсенал.
