Арсенал на неверојатен начин остана без победата против Астон вила, откако успеа да испушти водство од 2-0 и на крајот да одигра само 2-2. Овој кикс и тоа како ќе ги оддалечи „топчиите“ од борбата за титулата, со оглед на тоа дека сега имаат заостанување од шест бода позади Ливерпул, но и натпревар повеќе.
„Бевме неверојатни. Горд сум на начинот на кој игравме, како доминиравме, колку подвижни бевме и колку вложивме во овој меч. Одигравме три натпревари во шест дена. Се гордеам со фудбалерите, но во исто време сум и разочаран. Заслуживме повеќе на овој натпревар. Не успеавме да победиме и затоа сум разочаран. Ова беше нашето најдобро издание против Астон вила, тие се навистина добра екипа. Требаше да победиме.“ – рече Микел Артета, тренерот на Арсенал после киксот со Астон вила.
