Менаџерот на Арсенал, Микел Артета, го означи Нико Вилијамс како главна цел за 2025 година, пишува „Атлетик“.
Арсенал е подготвен да направи сè за да го убеди Нико Вилијамс да го облече дресот на Топчиите, по што ќе ја активира неговата откупна клаузула од 58 милиони евра.
Не е тајна дека Вилијамс летово преговараше со Барселона, но реши да остане во Атлетик Билбао. Негова желба е да освои европски трофеј со својот клуб, кој ќе биде домаќин на финалето на Лига Европа.
Поради тоа, малку е веројатно дека ќе го напушти „Сан Мамеш“ во јануари, но Арсенал ќе вложи максимални напори за да го обезбеди неговиот потпис.
Микел Артета сака да одржува контакт со играчот и да биде прв во редот за неговиот потпис, без разлика дали тоа ќе се случи во јануари или на почетокот на летото.
Покрај Барселона и Арсенал, Нико Вилијамс е под будно око и на Баерн Минхен.
