Арсенал со победата од 3:1 над Ливерпул во дербито на 23-тото коло во Премиер лигата им се приближи на Црвените само на два бода на табелата, а менаџерот на Топчиите е презадоволен од изведбата на неговите фудбалери.
„Многу сум среќен. Ова беше важен натпревар кој диктираше каде сме и каде ќе бидеме. Моите играчи одиграа фантастично, навивачите го извлекоа најдоброто од сите фудбалери. Не можам да издвојам ниту еден играч, Жоржињо беше прогласен за фудбалер на натпреарот. Не можам да бидам посреќен, тој е вистински пример“, вели Артета.
Арсенал сега има 49 бода, само два помалку од лидерот Ливерпул и до крајот на сезоната овие два тима заедно со Манчестер сити, кој има 46 бода и два меча помалку, ќе ја водат главната битка за титулата.
„Оваа победа ни дава ветар во грбот и поради начинот на којшто дојдовме до неа. Се вративме во трката за титулата“, рече Артета.
